Государственное учреждение культуры

"Зельвенская районная библиотека"

231940, Гродненская область, г.п. Зельва, ул. Советская, д. 34
 

"ГАННЕНСКІ КІРМАШ

Бібліяграфічны

паказальнік

У маі 1720 года Антоній Казімір Сапега атрымаў каралеўскі дазвол на правядзенне кірмашоў і таргоў у Дзень Святой Троіцы, а пазней пачатак кірмашоў быў перанесены на Дзень Святой Ганны – 25 ліпеня, мабыць таму кірмаш афіцыйна называлі Ганненскім. Праводзіўся ён штогодна з 25 ліпеня па 25 жніўня.
Зэльвенскі кірмаш меў міжнароднае значэнне. У мястэчка прыбывалі госці з Францыі, Саксоніі, Баварыі, Нідэрландаў, Аўстрыі, Прусіі, Італіі, Даніі, Швецыі, усходніх краін. У лепшыя часы яе тарговы абарот дасягаў 2 мільёнаў рублёў. Штогодна кірмаш наведвалі каля трох тысяч чалавек.
Ад правядзення кірмашу ў Зэльве вялікі даход мелі Сапегі, дзяржаўная казна і жыхары мястэчка. Па абароту і велічыні гандлёвых сувязей кірмаш выходзіў за межы ўнутрыгубернскага мясцовага рынку: ён з’яўляўся на працягу некалькіх дзесяцігоддзяў важнейшым камерцыйным цэнтрам усяго паўночна-заходняга краю Расіі. Некаторыя даследчыкі сцвярджалі, што Ганненскі кірмаш быў адным з буйнейшых у Еўропе і саступаў па сваёй значнасці толькі вядомаму Лейпцыгскаму.
Аб Ганненскім кірмашы пісалі многія вучоныя і даследчыкі. Бібліяграфічны паказальнік адлюстроўвае матэрыялы, надрукаваныя ў раённай газеце “Праца” і ў іншых перыядычных выданнях. Чытачы змогуць знайсці артыкулы аб тым, што ўяўляла сабой мястэчка Зэльва ў даўнія часы, аб гісторыі узнікнення, развіцця кірмашу, яго традыцыях. Шмат артыкулаў прысвечаны вяртанню забытага свята, яго адраджэнню ў сучаснай інтэрпрэтацыі.
Матэрыял у выданні размешчаны ў храналагічнай паслядоўнасці з’яўлення артыкулаў у друку.
Бібліяграфічны паказальнік прызначаны для шырокага кола чытачоў, якія цікавяцца гісторыяй роднага краю.

 

 

 

 

1996 год    1998 год    2000 год    2001 год    2003 год    2004 год    2005 год    2008 год 

 

2010 год    2012 год    2013 год    2014 год    2015 год    2016 год    2017 год    2018 год 

 

2019 год    2021 год    2022 год