Любоў да Радзімы пачынаецца з любові да малой радзімы, зямлі, дзе нарадзіўся і вырас. Мала проста любіць свой родны край, трэба ведаць яго гісторыю, культуру, традыцыі. “Свету не пазнаеш, не ведаючы краю свайго!”.
У Славаціцкай сельскай бібліятэцы-клубе прайшло краязнаўчае падарожжа “Мой родны край – прыгожы саамы”. Падчас краязнаўчага падарожжа бібліятэкар звярнула асаблівую ўвагу на неабходнасць ведаць гісторыю сваёй малой радзімы, сваёй краіны, назвала імёны знакамітых людзей, якія сваёй стваральнай працай ўнеслі значны ўклад у развіццё культуры, грамадства, дзяржавы. Бібліятэкар пазнаёміла ўдзельнікаў з кнігамі, дзякуючы якім можна больш і лепш даведацца пра свой край. І нават перагортваючы старонкі гэтых кніг, можна павандраваць па нашым краі, убачыць яго славутасці. Напрыканцы мерапрыемства ўдзельнікі малявалі дарагія сэрцу мясціны свайго любага краю.
