У Зэльвенскай раеннай бібліятэцы для юных чытачоў адбыўся літаратурны партрэт “І душа… акрыліцца мілотай”, прысвечаны 75-годдзю з дня нараджэння вядомага беларускага паэта, лаўрэата Нацыянальнай літаратурнай прэміі Міхася Пазнякова. Супрацоўнікі бібліятэкі пазнаемілі дзяцей з жыццевым і творчым шляхам пісьменніка, а таксама правялі агляд кніжнай выставы «Добрым кнігам — добры дзень», якая была аформлена да мерапрыемства. Вельмі зацікавілі дзяцей кнігі М.Пазнякова “Гульняслоў”, “Падарожжа ў краіну загадак”, “”Тры чарадзеі”, “Святло дабрыні”, “Шые вожык кажушок” і іншыя. Вучні адгадвалі загадкі, галаваломкі, красворды, шарады. Адбылося гучнае чытанне казкі “Малпачка” і агляд апавядання Міхася Пазнякова “Півоні”.
