У Міжэрычскай інтэграванай бібліятэцы з дзецьмі праведзены ўрок здароўя “Пакаёвыя расліны ў жыцці чалавека”. Жыццё чалавека звязана з прыродай, а значыць, і з жыццём раслін. Здаўна людзі ўпрыгожвалі кветкамі і раслінамі сваё жыллё, выкарыстоўвалі іх для лячэння той ці іншай хваробы. Падчас мерапрыемства бібліятэкар расказала пра лекавыя ўласцівасці некаторых пакаёвых раслін, як яны спрыяльна ўплываюць на чалавечы арганізм, на працаздольнасць і настрой. Дзеці чыталі вершы аб іх, аб беражлівым стаўленні да іх. Дзеці даведаліся, што пакаёвыя расліны не толькі ўпрыгожваюць наша жыццё, але і прыносяць карысць.
