У Елкаўскай інтэграванай бібліятэцы да 120-годдзя з дня нараджэння вядомай рускай пісьменніцы Агніі Барто з дзецьмі прайшла літаратурная гульня-віктарына “Падарожжа па творах Агніі Барто”. Дзеці адправіліся ў займальнае падарожжа ў свет вершаў пісьменніцы. У ходзе мерапрыемства дзеці пазнаёміліся з біяграфіяй Агніі Барто, даведаліся цікавыя факты з яе жыцця і творчага шляху, чыталі вершы са знакамітага зборніка “Игрушки”. Затым дзеці адказвалі на пытанні віктарыны, збіралі пазлы, шукалі адрозненні ў малюнках, а таксама пазнаёміліся з кніжнай выставай. На выставе былі прадстаўлены не толькі кнігі, але і цацкі-героі твораў Агніі Барто, што дазволіла дзецям яшчэ глыбей пагрузіцца ў свет яе паэзіі.
