Да 120-годдзя з дня нараджэння дзіцячай пісьменніцы Агніі Барто работнікі Зэльвенскай раённай бібліятэкі правялі паэтычную карусель “Давайце любімыя кніжкі адкрыем”. Бібліятэкары пазнаёмілі дзяцей з жыццём і творчасцю А.Л. Барто. Нагадалі, што яе творы вучаць беражліва адносіцца да ўсяго жывога, што ў іх шмат дабра, радасці, яны прымушаюць задумацца, як паводзіць сябе, якім чалавекам вырасці. У ходзе мерапрыемства дзеці чыталі вершы, адгадвалі загадкі, прынялі ўдзел у конкурсах, гульнях: “Складзі і назаві прадмет”, “Кошык са страчанымі рэчамі”, збіралі пазлы з вобразамі герояў вершаў Агніі Барто, а таксама прайшлі тэст на веданне твораў любімай пісьменніцы. У заключэнне зрабілі выснову, што творчасць Агніі Барто вучыць дабрыні, дружбе і добрым паводзінам.
