Да Дня роднай мовы і ў межах акцыі “Кожная пятніца – роднае, сваё” у Елкаўскай інтэграванай бібліятэцы для навучэнцаў пачатковых класаў ДУА “Елкаўскай сярэдняя школа” прайшоў турнір знаўцаў роднай мовы “У свеце родных слоў”. Юныя аматары роднага слова спаборнічалі ў кемлівасці і ведах. Для іх былі падрыхтаваны розныя выпрабаванні: конкурс “Перакладчыкі”, гульні “Адгадай героя казкі”, “Назаві адным словам”, “Слоўнік беларускі”, адгадаць загадкі. Спаборнічалі ў хуткаці чытання скарагаворак. У дапамогу была прадстаўлена выстава “Адчуваем водар мовы роднай”. Мерапрыемства прайшло з карысцю. Яно дапамагло замацаваць веды дзяцей аб мове, пашырыла слоўнікавы запас і паказала разнастайнасць і багацце роднай мовы.
