23 лютага наша краіна адзначае Дзень абаронцы Айчыны! Дзень абаронцы Айчыны не толькі свята дарослых мужчын, але і свята будучых абаронцаў – нашых хлопчыкаў, якія вучацца быць моцнымі і добрымі, клапатлівымі і ўважлівымі. Бібліятэкары Зэльвенскай раённай бібліятэкі падрыхтавалі для вучняў 4 “Б” класа гімназіі №1 конкурсна-гульнявую праграму “Мы хлопчыкаў віншуем”. Рабяты з велізарным задавальненнем і азартам ўдзельнічалі ў вясёлых і цікавых конкурсах, адказвалі на пытанні віктарыны, успаміналі прымаўкі і прыказкі пра войска. Дзяўчынкі падрыхтавалі для іх сцэнку “Тры дзяўчыны пад акном”. Напрыканцы мерапрыемства дзяўчынкі павіншавалі аднакласнікаў са святам, уручылі падарункі і пажадалі смеласці, вынослівасці, рашучасці, а таксама рупліва вучыцца.
