Бібліятэкарам Елкаўскай інтэграванай бібліятэкі для дзяцей са школьнага лагера “Вясёлка” была арганізавана гадзіна патрыятызму “Памяці Вечны агонь”. Яна расказала пра герояў і іх подзвігі на палях бітваў падчас Вялікай Айчыннай вайны, пра стойкасць працаўнікоў тылу, пра няпростыя нягоды ваеннага часу не толькі для дарослых, але і для дзяцей. Удзельнікі даведаліся пра факты масавага знішчэння мірнага насельніцтва фашыстамі, пра лагеры смерці, пра тое, як ні ў чым невінаватыя людзі сталі ахвярамі злачынстваў нацыстаў. Напрыканцы мерапрыемства дзеці прынялі ўдзел у квэст-гульні “Прайсці дарогамі вайны”. Да мерапрыемства была аформлена выстава “У сэрцах і кнігах – памяць пра вайну”, бібліятэкар пазнаёміла ўдзельнікаў з творамі аб Вялікай Айчыннай вайне.
