Што можа быць лепш, чым падарожжа? Толькі падарожжа, напоўненае таямніцамі, загадкамі і сапраўднымі кніжнымі адкрыццямі!
У Каралінскай сельскай бібліятэцы прайшоў захапляльны бібліяквэст «Крок за крокам па роднай Беларусі», які аб’яднаў юных і дапытлівых чытачоў.
Удзельнікі разгадвалі таямніцы беларускіх замкаў, згадвалі славутых землякоў, пазнавалі родныя краявіды па апісаннях у кнігах і нават спаборнічалі ў веданні мілагучных беларускіх слоў.
Мерапрыемства паказала, што старонкі кніг могуць ажываць, а вывучэнне гісторыі Радзімы — гэта незабыўная і вясёлая прыгода. Сяброўская атмасфера, азарт і камандны дух зрабілі гэты дзень асаблівым.
Паважаныя чытачы, запрашаем наведаць бібліятэкі, дзе вас чакаюць новыя кніжныя маршруты!
