Бібліятэкар Елкаўскай інтэграванай бібліятэкі запрасіла рабят на гульнявую праграму “Добрае слова для мамы”. У ходзе мерапрыемства прагучала шмат выдатных вершаў пра маму, і кожны ўдзельнік з любоўю і пяшчотай распавядаў і прысвячаў іх сваёй любай матулі. Рабяты актыўна адказвалі на пытанні віктарыны, разгадвалі загадкі, прымалі ўдзел у конкурсах. Падводзячы вынікі мерапрыемства, дзеці зрабілі выснову, што радаваць маму трэба не толькі ў дзень свята, а кожны дзень — сваімі ўчынкамі, ўсмешкамі і добрымі ацэнкамі. Удзельнікі мерапрыемства пазнаёміліся з выставай, прысвечанай бацькоўскай любові.
