Пятага снежня да Дня інвалідаў бібліятэкар Елкаўской сельскай бібліятэкі сумесна з работнікамі філіяла «Елкаўскі сельскі клуб», святаром Сынковіцкага храма а. Віталіем арганізавалі хатнія сустрэчы «З любоўю і міласэрнасцю» і наведалі інвалідаў на даму. З кожным прыязна пагутарылі, уручылі невялікія падарункі, пажадалі здароўя. У адказ яны дзякавалі за аказаную ўвагу, дабрыню. Людзям з абмежаванымі магчымасцямі было вельмі прыемна, што іх памятаюць, паважаюць. Не хаваючы сваёй радасці, яны размаўлялі з наведвальнікамі, распавядаючы пра свае захапленні, пра жыццё. Бібліятэкар прынесла ім на дом літаратуру па іх інтарэсам, якую яны з удзячнасцю ўзялі для чытання.
