Генацыд … Гэта наша рана, наша старонка гісторыі, якую немагчыма забыць. 7 снежня ў Каралінскай інтэграванай бібліятэцы прайшоў урок гісторыі “Генацыд: успомніць усё, памятаць кожнага”, прысвечаны Міжнароднаму дню памяці ахвяр злачынства генацыду. Рабяты пазнаёміліся з тэрмінам “генацыд”, даведаліся пра страшныя падзеі часоў Вялікай Айчыннай вайны, пра лагеры смерці, якія былі размешчаны на тэрыторыі Беларусі, абмеркавалі маштабы трагедыі, якія прынеслі нашаму народу нямецка-фашысцкія акупанты. Бібліятэкар пазнаёміла ўдзельнікаў са зборнікамі “Генацыд беларускага народа” і іншымі матэрыяламі з кніжнай выставы “Няхай памятаюць пакаленні…”, якая разгорнута ў бібліятэцы. Святы абавязак усіх беларусаў – памятаць і шанаваць нашу гісторыю, захоўваць гістарычную памяць, перадаваць яе з пакалення ў пакаленне, бо без ведання свайго мінулага немагчыма пабудаваць квітнеючую будучыню!
