У Бародзіцкай сельскай бібліятэцы да Сусветнага дня прафілактыкі СНІДу прайшла гутарка-разважанне “Моладзь супраць СНІДу”.
Падчас мерапрыемства вялася размова аб тым, што асаблівасцю эпідэміі ВІЧ з’яўляецца распаўсюджванне гэтай інфекцыі сярод моладзі. Гэта шмат у чым звязана з тым, што маладыя людзі валодаюць недакладнай ці няправільнай інфармацыяй аб ВІЧ-інфекцыі і СНІДе. Бібліятэкар у размове падрабязна спынілася на такіх пытаннях, як: “Што такое ВІЧ-інфекцыя і што такое СНІД?”, “Чым яны адрозніваюцца?”, “Як развіваюцца гэтыя захворванні?”, “Што можа зрабіць кожны чалавек, каб прадухіліць распаўсюджванне ВІЧ-інфекцыі?”. Напрыканцы бібліятэкар пажадала маладым людзям весці здаровы лад жыцця, ніколі не ўжываць наркатычныя рэчывы і выхоўваць у сябе чысціню і высакароднасць думак і пачуццяў.
