1 снежня – Сусветны дзень барацьбы са СНІДам. Гэты дзень набыў статус штогадовай падзеі ў большасці краін свету і дэманструе міжнародную салідарнасць у барацьбе з эпідэміяй ВІЧ/СНІД. У Зэльвенскай раённай бібліятэцы да гэтай даты праведзена слайд-гутарка “СНІД. Не стань асуджаным”. Бібліятэкары расказалі прысутным пра прафілактыку ВІЧ-інфекцыі і пра тое, як важна ў жыцці быць прыхільнікам здаровага ладу жыцця. Пазнаёмілі карыстальнікаў з сімвалам руху па папярэджанні СНІДу — чырвонай стужачкай. З дапамогай прэзентацыі прысутныя замацавалі веды аб тым, як і пры якіх абставінах можна заразіцца СНІДам, расказалі пра знакамітасцяў, якія не здолелі зберагчы сябе ад страшнай хваробы. Напрыканцы мерапрыемства прайшоў агляд літаратуры ля кніжнай выставы “Мы за здаровы лад жыцця”.
