У першыя дні новага года ў нашай бібліятэцы традыцыйна праходзіць акцыя “Першы чытач Новага года». Акцыя з’яўляецца адной з формаў прыцягнення чытачоў у бібліятэку. Першым чытачом Зэльвенскай раённай бібліятэкі ў новым 2025 годзе стаў навучэнец 5 «А» класа гімназіі №1 Каўчун Кірыл.
Кірыл вельмі любіць чытаць кнігі, актыўна наведвае бібліятэку, удзельнічае ў масавых мерапрыемствах. Бібліятэкары павіншавалі яго з гэтай намінацыяй і ўручылі ў падарунак кнігу і салодкія пачастункі. Мы рады бачыць усіх нашых чытачоў у новым годзе!
