Рэспубліканская навагодняя дабрачынная акцыя “Ад усёй душы” накіравана на падтрымку пажылых людзей, увагу і проста чалавечае цяпло да іх. Бібліятэкар Каралінскай інтэграванай бібліятэкі і работнікі філіяла “Каралінскі сельскі клуб” у рамках акцыі здзейснілі візіт дабра і павагі “З дабром у кожны дом”, павіншавалі пажылых жыхароў аграгарадка з Калядамі і Новым годам, пажадалі моцнага здароўя, шчасця, доўгіх гадоў жыцця, душэўнага спакою і дабрабыту, цеплыні і клопату з боку блізкіх, падарылі салодкія пачастункі.
