У навагоднія і калядныя дні аб нечым светлым і душэўным мараць усе, асабліва пажылыя і адзінокія людзі. Яны чакаюць шчырай спагады і клопату. У рамках рэспубліканскай навагодняй дабрачыннай акцыі “Ад усёй душы” бібліятэкар Славаціцкай сельскай бібліятэкі-клуба наведала сваіх чытачоў з візітам дабра і павагі “Душу вылечыць дабро”, павіншавала іх з Калядамі і Новым Годам, пажадала здароўя, міру і дабрабыту, уручыла невялікія падарункі. Пажылыя людзі атрымалі масу станоўчых эмоцый і добры настрой, а гэта, па іх прызнанні, самае галоўнае.
