У Славаціцкай сельскай бібліятэцы-клубе праведзена калядная сустрэча “Новы год крочыць па планеце”. З даўніх часоў Новы год адзначаюць практычна ў кожным кутку зямнога шара. Розныя народы робяць гэта па своему, але нязменна ад душы. Бібліятэкар пазнаёміла прысутных з традыцыямі сустрэчы Новага года ў розных краінах і на розных кантынентах, з асноўнымі звычаямі і сімваламі гэтай чароўнай і добрай урачыстасці, павіншавала ўсіх з навагоднімі святамі і пажадала ўсім здароўя, міру і дабра.
Далей сустрэча была працягнута. Выступіў старшыня Савета дэпутатаў Зэльвенскага раённага выканаўчага камітэта Вадзім Аляксандравіч Панасік. Ён расказаў аб дасягненнях нашай рэспублікі ў розных сферах жыццядзейнасці, што робіцца для бяспекі краіны. Таксама абмеркавалі надыходзячыя выбары Прэзідэнта Рэспублікі Беларусь.
