Дванаццатага студзеня на вуліцы аграгарадка Крывічы было незвычайна весела, чуліся гоман, смех і жарты. Гэта работнікі Крывіцкай сельскай бібліятэкі-клуба са святочным візітам “Шчодры вечар, добры вечар” наведвалі падворкі і дамы аднавяскоўцаў. Падыходзячы да хат, яны стукалі у дзверы, выклікалі гаспадароў моцнымі крыкамі: “Прыйшла Каляда, адчыняй варата!”. Калі выходзілі гаспадар ці гаспадыня, Звяздар першым выходзячы наперад, віншаваў іх са святамі. Далей гаспадарам варажыла цыганка, разыгрывалася сцэнка з Казой, падчас якой усе ўдзельнiкi выпрошвалі каляду (пачастункі). А атрымаўшы яе, шчыра дзякавалі гаспадароў, па чарзе кажуцы самыя лепшыя пажаданні і абсыпалі гаспадароў зернем на багаты ураджай. Падзякаваўшы гаспадароў, калядоўшчыкі адпраўляліся да другой хаты.
