У Бародзіцкай сельскай бібліятэцы праведзена акцыя па рамонту кніг “Кніжкі вельмі я люблю, іх падклею, падшыю”. Правесці дробны рамонт кніг, якія прыйшлі ў непрыдатнасць, падарыць ім другое жыццё прыйшлі ў бібліятэку чытачы малодшага школьнага ўзросту. Дзеці з задавальненнем і вялікай адказнасцю займаліся рэстаўрацыяй кніг, каб тыя зноў сталі іх радаваць. Дзеці старанна і акуратна падклейвалі старонкі, сціралі надпісы, прыводзілі ў парадак вокладкі кніг. Падчас мерапрыемства дзеці адчулі важнасць сваёй працы і прыйшлі да высновы: кнігі трэба берагчы. Усе адрамантаваныя кнігі атрымалі “новае жыццё”, а дзеці – новыя і яркія ўражанні ад іх.
