Бібліятэкар Князеўскай сельскай бібліятэкі з вучнямі ДУА “Князеўская сярэдняя школа” правяла экалагічнае асарці “Умей жыць на Зямлі”, прысвечанае пытанням забруджвання навакольнага асяроддзя і аховы расліннага і жывёльнага свету. Дзецям было прапанавана мноства пытанняў, загадак, гульняў, конкурсаў на экалагічную тэму. Вучні актыўна адказвалі на экалагічныя пытанні, спаборнічалі ў конкурсах, адгадвалі загадкі пра жывёл і расліны, насельнікаў рэк і мораў. Удзельнікі мерапрыемства разам з бібліятэкарам абмяркоўвалі правілы паводзін у лесе і ў парках. У канцы бібліятэкар заклікала дзяцей беражліва ставіцца да прыроды, берагчы нашу Зямлю.
