У Бародзіцкай сельскай бібліятэцы з дзецьмі праведзены завочна-гістарычны круіз “Па замках зямлі беларускай”. На мерапрыемстве бібліятэкар пазнаёміла дзяцей з найбольш знакамітымі замкамі і палацамі нашай краіны. Расказала ім пра легенды і паданні, пра бурнае мінулае гэтых славутасцяў.Так, як менавіта замкі стагоддзямі назіралі росквіт княжацкіх дынастый, расхіналі свае вароты новым каралям і супрацьстаялі націскам заваёўнікаў. Удзельнікі мерапрыемства даведаліся пра гісторыю ўзнікнення замкаў на тэрыторыі Беларусі і гістарычныя падзеі, звязаныя з імі. Дзеці паглядзелі відэафільм “Замкі Беларусі”. Удзельнікі мерапрыемства расказалі, у якіх замках яны ўжо паспелі пабываць, падзяліліся сваімі ўражаннямі ад убачанага і пачутага.
