Дзень роднай мовы асаблівы для кожнай нацыі, кожнага народа, бо няма народа без мовы, а мовы без яго носьбіта. У Бародзіцкай сельскай бібліятэцы да Міжнароднага дня роднай мовы з дзецьмі праведзена акцыя “Маё любімае беларускае слова”. Мерапрыемства стала сведкам таго, што любоў да роднага слова жыве ў душы маленькіх беларусаў. Дзеці прызнаваліся ў любові да роднай мовы, запісваючы мілагучныя беларускія словы на лісточках ў выглядзе сэрцаў, чыталі вершы вядомых паэтаў. Бібліятэкар пазнаёміла вучняў з кнігамі беларускіх аўтараў і пажадала, каб дзеці атрымлівалі асалоду ад чытання на роднай мове і ганарыліся гэтым.
