Дзень абаронцаў Айчыны лічаць святам усіх мужчын і хлопчыкаў. Кожны хлопчык марыць служыць у войску. Ён з калыскі павінен фарміраваць свой характар, выхоўваць у сабе высакароднасць, цвёрдасць духу, рашучасць, сумленнасць, працавітасць, павагу да жанчыны, вынослівасць. Работнікі Зэльвенскай раённай бібліятэкі правялі для вучняў 5 “А” класа гімназіі №1 конкурсна-гульнявую праграму “Забавы для волатаў”. Бібліятэкары падрыхтавалі конкурсы: “Вясёлыя лётчыкі”, “Медсястра”, “Не вырані снарад”, “Міннае поле”, у якіх будучыя салдаты змаглі праявіць і сілу, і кемлівасць, і вытрымку, а таксама ўдзельнікі адказвалі на пытанні віктарыны, адгадвалі загадкі аб ваеннай справе. Дзяўчынкі-аднакласніцы з радасцю павіншавалі іх і ўручылі ім падарункі. У завяршэнні мерапрыемства зрабілі выснову, што нашым хлопчыкам любыя цяжкасці па плячы, а дзяўчынкі заўсёды рады дапамагчы і падтрымаць сваіх абаронцаў!
