Каханне – нязменная крыніца натхнення для пісьменнікаў. Таму не дзіўна, што штогод выдаецца велізарная колькасць кніг пра каханне. Чытанне раманаў пра каханне – выдатная магчымасць пагрузіцца ў свет рамантыкі і адпачыць ад паўсядзённай руціны. Сярод навінак нашай бібліятэкі таксама нямала цікавых гісторый пра прыгожыя пачуцці. Падчас выезду бібліёбуса з чытачамі вёскі Манцякі бібліятэкар правяла агляд кніжных навінак “Кнігі пра каханне на ўсе ўзросты”, падчас якога была прапанавана невялікая падборка самых свежых кніг пра каханне – гэта самыя папулярныя рамантычныя кнігі – ад класічных твораў да сучасных бэстсэлераў. Кожны чытач змог выбраць для сябе нешта цікавае і займальнае.
