13 сакавіка ўдзельнікі лялечнага гуртка “Вясёлка” Зэльвенскай раённай бібліятэкі парадавалі дзяцей чарговым лялечным спектаклем “Рэпка”. Усе артысты выдатна выконвалі ролі: голасам, жэстамі, рухамі стараліся адпавядаць сваім героям: Мышцы, Кошцы, Жучцы, Унучцы, Бабцы і Дзеду. Гледачы, затаіўшы дыханне, чакалі пачатку казкі. На фоне дэкарацый адзін за адным з’яўляліся ўсім знаёмыя і любімыя персанажы. Яркія лялькі, вясёлая музыка і цікавыя моманты зачаравалі нашых дзяцей. Яны ўважліва слухалі і сачылі за дзеяннямі лялечнага спектакля. Развітваючыся з артыстамі, маленькія гледачы доўга апладзіравалі і выказалі жаданне прыйсці яшчэ раз на спектакль. Ну а нашы артысты зрабілі выснову: што ў любых сітуацыях трэба падтрымліваць адзін аднаго, таму што разам можна дасягнуць вялікіх вынікаў: няхай гэта будзе выцягнуць рэпку або вырашыць больш складаныя праблемы ў жыцці, сумеснае намаганне можа зрабіць немагчымае магчымым.
