У Бародзіцкай сельскай бібліятэцы да Дня Канстытуцыі Рэспублікі Беларусь праведзены ўрок дзяржаўнасці “Мы-грамадзяне Рэспублікі Беларусь”. На мерапрыемстве бібліятэкар расказала дзецям пра Канстытуцыю Рэспублікі Беларусь і чаму яе яшчэ называюць Асноўным Законам дзяржавы. Далей пазнаёміла з гісторыяй стварэння Канстытуцыі Рэспублікі Беларусь, яе структурай, асноўнымі часткамі і артыкуламі, правамі і абавязкамі грамадзян. Дзеці паўдзельнічалі ў гульні “Права або абавязак”. Падчас мерапрыемства ўдзельнікі пашырылі свае веды аб Асноўным Законе нашай краіны і дзяржаве ў цэлым.
