У Крывіцкай сельскай бібліятэцы-клубе 15 сакавіка да Дня Канстытуцыі Рэспублікі Беларусь праведзена прававая гадзіна “Галоўны закон нашай краіны”. Бібліятэкар пазнаёміла прысутных з матэрыяламі сацыяльна-інфармацыйнага цэнтра, дзе прадстаўлена Канстытуцыя Рэспублікі Беларусь, а таксама розныя кнігі па заканадаўстве нашай краіны. У ходзе прававой гадзіны бібліятэкар разам з удзельнікамі мерапрыемства пазнаёміліся з раздзеламі Канстытуцыі Рэспублікі Беларусь, асноўнымі правамі і абавязкамі грамадзян. Далей вялася размова аб законах Рэспублікі Беларусь, як ажыццяўляецца прававая абарона грамадзян нашай краіны, як дзяржава клапоціцца пра здароўе і дабрабыт беларускага народа. Любы Асноўны закон моцны, перш за ўсё, сваім рэальным увасабленнем у жыццё, ён рэалізуецца ў штодзённых справах краіны. Выконваць Канстытуцыю, як Асноўны закон краіны, умацоўваць дзяржаўна-прававыя адносіны — патрыятычны абавязак кожнага з нас.
