Сёння ў Зэльвенскай раённай бібліятэцы было шумна і весела, а ўсё таму, што рабяты адзначалі свята кнігі “Запрашаем усіх сяброў сустрэць кніжкін юбілей”.
У госці да дзяцей прыйшла Каралева Кніга, якая распавяла пра гісторыю з’яўлення кніг і паклікала ўсіх у добрую казку. Прыбыўшыя на свята Ліса Аліса і Кот Базіліо здзівіліся, якія ўсе дзеці начытаныя і разумныя, і правялі з імі віктарыну. Паштальён Печкін прынёс тэлеграмы ад літаратурных герояў, але на свяце далей быць не мог, бо спяшаўся да іншых рабят. Публіку зацікавіла Баба Яга са сваёй сяброўкай Кікімарай, якая прыляцела на мятле і падрыхтавала для дзяцей загадкі і цікавыя гульні. Весялілі дзяцей Чырвоная Шапачка і вясёлы Мішка, рассеяны з вуліцы Басейнай, Нязнайка. Юныя артысты парадавалі гледачоў песнямі і танцавальнымі нумарамі. Час праляцеў незаўважна, цікава і пазнавальна.
У завяршэнне мерапрыемства бібліятэкары запрасілі ўсіх рабят прыходзіць на канікулах у бібліятэку, дзе іх чакаюць цікавыя мерапрыемствы.
