21 сакавіка, у межах Тыдня дзіцячай кнігі, бібліятэкар Елкаўскай сельскай бібліятэкі запрасіла юных кнігалюбаў на літаратурна-гульнявую праграму “Гэты цудоўны кніжны свет”. Дзеці прынялі актыўны ўдзел у разгадванні літаратурнай віктарыны “Казачны куфэрак”, адгадвалі загадкі пра літаратурных герояў, распавядалі пра свае любімыя кнігі, успаміналі назвы кніг падчас гульняў “Чый прадмет, з якой кнігі” і “Тэлеграмы ад казачных герояў”. Удзельнікі мерапрыемства правялі час у бібліятэцы весела і з карысцю. Бо “Кніжкін тыдзень” – гэта свята дапытлівых дзяцей, вясёлых прыгод і новых літаратурных адкрыццяў.
