У Князеўскай сельскай бібліятэцы прайшоў урок гісторыі “Гудуць званы памяці”. Гэты ўрок быў накіраваны на пашырэнне ведаў вучняў аб генацыдзе беларускага народа ў гады Вялікай Айчыннай вайны, аб трагедыі Хатыні і аб мемарыяльным комплексе “Хатынь” і яго значэнні для захавання гістарычнай памяці. Удзельнікам мерапрыемства бібліятэкарам былі прадстаўлены дакументальныя матэрыялы, мастацкія творы, ілюстрацыі карцін мастакоў, якія сталі сімвалам памяці і гімнам загінулым жыхарам спаленай вёскі. Далей было арганізавана абмеркаванне на тэму патрыятызму і грамадзянскасці, каштоўнасці міру і жыцця. Скончыўся ўрок хвілінай маўчання.
