У Бародзіцкай сельскай бібліятэцы да 220-годдзя з дня нараджэння “караля казак” Г.Х. Андэрсэна праведзены літаратурны турнір “Сузор’е казак Андэрсэна”. На мерапрыемстве бібліятэкар пазнаёміла дзяцей з жыццём і творчасцю знакамітага дацкага казачніка. Дзеці адгадвалі загадкі, удзельнічалі ў конкурсах “Пазнай казку па яе пачатку”, “Назавіце героя казкі”, “Пазнай казку па прадмеце”. Правільна адказваць на пытанні конкурсаў дапамагала падборка кніг Г.Х. Андэрсэна, прадстаўленая дзецям для больш глыбокага азнаямлення і выбару кніг для чытання дома. Мерапрыемства прайшло весела і займальна.
