2 красавіка бібліятэкар Елкаўскай сельскай бібліятэкі запрасіла юных чытачоў на гульнятэку “Птушыныя трэлі ў красавіку”, якая была прымеркавана да Міжнароднага дня птушак. Дзеці даведаліся пра гісторыю свята, пра карысць птушак, іх ролю ў прыродзе і жыцці чалавека, успомнілі, якія птушкі вясной прылятаюць у наш край, а якія жывуць у нас круглы год. Дзеці з цікавасцю адгадвалі загадкі, пазнавалі птушак па галасах, гулялі, разглядалі ілюстрацыі і фатаграфіі з выявай птушак, удзельнічалі ў віктарыне, збіралі прыказкі пра птушак. У завяршэнне мерапрыемства ўсе ўдзельнікі з вялікім задавальненнем будавалі з кніг птушыныя домікі, дзе праявілі сваю фантазію і творчыя здольнасці. Мерапрыемства атрымалася не толькі пазнавальным, але і вельмі вясёлым і цікавым!
