У Зэльвенскай раённай бібліятэцы да 220-годдзя вядомага дацкага пісьменніка Ханса Крысціяна Андэрсэна праведзена літаратурна-пазнавальная гадзіна “Самы казачны пісьменнік”. Дзяцей пазнаёмілі з жыццём і творчасцю пісьменніка, расказалі пра тое, што Андэрсэн пісаў пра мудрагелістых феяў, эльфаў, але галоўнае ў яго казках – чалавек. Усе яго казкі, пра што б ён ні пісаў, расказваюць пра людзей, аб іх марах, учынках, пра схаваныя таямніцы душы. Дзеці ўспомнілі казкі “Дзюймовачка”, “Гадкае качаня”, “Дзікія лебедзі” і інш., прынялі ўдзел у конкурсах: “З якіх казак гэтыя рэчы?”, “Пазнай героя казкі”, адгадвалі загадкі. У завяршэнне мерапрыемства вучні зрабілі выснову, што казкі Андэрсэна вучаць міласэрнасці і любові. Для чытачоў была арганізавана выстава “Казачнік дацкага Каралеўства”.
