Чалавек так зрадніўся з раслінным светам прыроды, што часам, не задумваецца, колькі сакрэтаў у сабе захоўваюць расліны. А ў самай маленькай расліне тоіцца вялікая сіла, якая дапамагае лячыць чалавечыя хваробы. Сёння, падчас выезду бібліобуса Зэльвенскай раённай бібліятэкі чытачы вёскі Манцякі падчас правядзення гадзіны здароўя “Лекавыя травы”, знаёміліся з гаючымі ўласцівасцямі лекавых раслін, з іх разнастайнасцю, з некаторымі правіламі збору, сушкі, захоўвання і прымянення. Таксама бібліятэкар распавяла пра ўласцівасці лекавых раслін, якія растуць на нашых участках — гэта календула, дзьмухавец, крапіва, трыпутнік і інш. Удзельнікі мерапрыемства прывялі свае прыклады лячэння захворванняў народнымі сродкамі, адварамі і настоямі з травы, якія добра вядомыя і растуць у нашай мясцовасці. Усім прысутным у працэсе гутаркі раздаліся закладкі з рэцэптамі прыгатавання настояў для паляпшэння здароўя, пры гэтым кожнаму нагадалі, што да пытання прымянення лекавых раслін трэба падыходзіць адказна, і варта ўжываць толькі пасля кансультацыі з лекарам.
