У Бародзіцкай сельскай бібліятэцы з дзецьмі праведзена гульня-віктарына “Маленькім беларусам пра вялікую Беларусь”. На мерапрыемстве вялася размова аб нашай Радзіме — Беларусі, яе сімвалах, цудоўных славутасцях, аб слаўным беларускім народзе і яго нацыянальных традыцыях. Дзеці з цікавасцю ўдзельнічалі ў віктарынах: “Мая Радзіма — Рэспубліка Беларусь”, “Знаўцы роднага краю”, збіралі пазлы-галаваломкі “Прыродныя сімвалы Рэспублікі Беларусь”. У заключэнні мерапрыемства бібліятэкар гаварыла дзецям пра тое, што наша краіна – гэта маленькі цуд на карце планеты і ад кожнага з нас залежыць яе будучыня, а для гэтага трэба старанна вучыцца і рабіць усё магчымае, каб наша Радзіма квітнела.
