У Бародзіцкай сельскай бібліятэцы для дзяцей сярэдняй групы Бародзіцкага дзіцячага сада-пачатковай школы праведзена экскурсія ў бібліятэку “Бібліятэка сустракае маленькіх сяброў”, падчас якой дзеці здзейснілі займальнае падарожжа па бібліятэцы, пазнаёміліся з дзіцячым фондам, паразмаўлялі аб беражлівых і паважлівых адносінах да кніг, аб правілах паводзін падчас наведвання кніжнага дома. Далей дзеці пазнаёміліся з кніжнай выставай-напамінам “А я чытаю кнігі пра вайну і памятаю подзвігі бацькоў і дзядоў”, прысвечаную 80-годдзю Перамогі ў Вялікай Айчыннай вайне. У канцы экскурсіі дзеці паабяцалі часта прыходзіць у царства кніжных скарбаў і стаць актыўнымі чытачамі бібліятэкі.
