16 красавіка бібліятэкар Елкаўскай сельскай бібліятэкі разам са сваімі юнымі чытачамі здзейснілі бібліяпадарожжа “У свет прафесій”. У гульнявой форме рабяты паспрабавалі сябе ў розных відах дзейнасці. Даведаліся, якімі якасцямі павінен валодаць настаўнік, лекар, будаўнік, повар, цырульнік. Рабяты з задавальненнем удзельнічалі ў конкурсах: “Адгадай прафесію”, “Лішні інструмент”, “Самая-самая…”, “Па старонках казак”, “Ці праўда?” і г.д. У канцы мерапрыемства дзеці падзяліліся, кім хочуць быць, калі вырастуць. Усе ўдзельнікі мерапрыемства пагадзіліся, што трэба паважліва ставіцца да любой працы, што ўсе прафесіі патрэбныя, усе прафесіі важныя!
