Адным з прыярытэтаў экалагічнай палітыкі нашай краіны з’яўляецца захаванне прыроды. У Беларусі створаны і ахоўваюцца запаведнікі, нацыянальныя паркі, заказнікі і помнікі прыроды. Адной з асноўных экалагічных праблем стала забруджванне планеты смеццем. Выратаваць прыроду, а значыць і саміх сябе, дапамогуць беражлівыя адносіны да яе, адказнасць за ўсё, што адбываецца вакол нас. У Зэльвенскай раённай бібліятэцы да Года добраўпарадкавання праведзены экалагічны квэст “З любоўю да кожнага куточка Беларусі”. З пачатку вучняў пазнаёмілі з цікавымі аб’ектамі прыроды, якія знаходзяцца на тэрыторыі Зэльвенскага раёна, а потым правялі квэст-гульню. Гульня прайшла па станцыях: “Жаласная кніга прыроды”, “Лясная сцежка”, “Прыродаахоўныя знакі”, “Лагічны ланцужок” і інш. За кожнае правільна выкананае заданне дзеці атрымлівалі васілёк. У канцы гульні прапаноўвалася абмяняць васількі на літары і сабраць ключавое слова “экалогія”.
Школьнікі прыйшлі да высновы, што свет жывой прыроды цудоўны, у Беларусі шмат цікавых месцаў, якія патрэбна разам берагчы і памнажаць.
