18 красавіка ў Крывіцкай сельскай бібліятэцы-клубе для сваіх юных чытачоў была праведзена экскурсія па бібліятэцы “З кнігай будзем сябраваць – будзем кнігі мы чытаць”. Бібліятэкар прапанавала дзецям разам адправіцца ў займальнае падарожжа па кніжным свеце ў казачную краіну, якая завецца бібліятэка. У гэтай краіне няма ні золата, ні срэбра, яе багацце – кнігі. Бібліятэкар пазнаёміла дзяцей з аддзеламі бібліятэкі, новымі дзіцячымі кніжкамі, якія паступілі ў бібліятэку, загадвала казачныя загадкі. Дзеці павінны былі іх адгадаць, назваць герояў казак, затым разблытаць казку, працягнуць за бібліятэкарам імёны казачных герояў, адгадаць героя казкі па прадмеце і многае іншае. Удзельнікі адгадвалі загадкі, таксама яны пазнаёміліся з кнігамі размешчаным на кніжнай выставе.
