Вялікдзень – адно з самых значных і светлых святаў у хрысціянскім свеце. Ён сімвалізуе перамогу жыцця над смерцю, надзею на вечнае выратаванне і духоўнае абнаўленне. У Бародзіцкай сельскай бібліятэцы прайшлі велікодныя забавы “Велікоднай радасці ззянне”. У ходзе мерапрыемства юныя наведвальнікі пазнаёміліся з гісторыяй свята, народнымі павер’ямі, з велікоднымі традыцыямі і звычаямі нашых продкаў, якія захаваліся да нашых дзён. Быў праведзены майстар-клас: “Размалюем яйкі да Вялікадня”, усе жадаючыя паўдзельнічалі ў творчым занятку, дзе навучыліся размалёўванню яек. Мерапрыемства дазволіла дзецям дакрануцца да традыцый, якія прыйшлі да нас з глыбіні стагоддзяў. Сустрэча прайшла ў цёплай, сяброўскай атмасферы.
