Свята Вялікадня здаўна лічылася адным з самых галоўных хрысціянскіх святаў. У народзе захавалася шмат абрадаў звязаных са святкаваннем Вялікадня. На Вялікдзень усе ходзяць, адзін да аднаго ў госці, віншуюць са святам, адорваюць фарбаванымі яйкамі і кулічамі. Са светлай нядзелі пачынаюцца святочныя гулянні, якія працягваюцца ўвесь Светлы тыдзень. 23 красавіка ў Елкаўскай сельскай бібліятэцы для дзяцей прайшлі велікодныя забавы “Велікоднай радасці ззянне”, дзе рабяты змаглі пагуляць у гульні, адгадаць велікодныя загадкі, паспаборнічаць у біцці яек, патанчыць і пакаштаваць куліч.
