Сёлета мы адзначаем 80-годдзе Вялікай Перамогі. Час хуткацечны, але ён не ўладны над подзвігам, колькі б гадоў ні прайшло, вайна ніколі не сыдзе з нашай памяці. У перыяд вайны, у страшны і цяжкі для ўсіх час, з чалавекам заўсёды была паэзія і песня, і ў горы, і ў радасці. Яны ішлі з салдатамі па франтавых дарогах, гучалі ў партызанскіх зямлянках, на франтавых прывалах. У зэльвенскай раённай бібліятэцы быў арганізаваны франтавы прывал “Звуки памяти” у рамках рэспубліканскай акцыі “Бібліяноч – 2025”. На працягу ўсяго мерапрыемства гучалі вершы і песні франтавых паэтаў. Кожны радок быў прасякнуты болем велізарных чалавечых страт і, вядома ж, радасцю і гонарам за Перамогу ў Вялікай Айчыннай вайне. Мерапрыемства атрымалася настолькі пранікнёным і душэўным, што людзі нягледзячы на позні час не хацелі разыходзіцца па дамах.
