Чарнобыль… 26 красавіка 1986 года – гэта страшнае слова прагучала на ўсю планету, абвясціўшы свету аб самай маштабнай катастрофе ХХ стагоддзя. У гэты дзень штогод адзначаецца Міжнародны дзень памяці загінулых у радыяцыйных аварыях і катастрофах. У памяць аб трагедыі ў Елкаўскай сельскай бібліятэцы праведзена для дзяцей інфармацыйная гадзіна “Свет без атамных катастроф”. У ходзе мерапрыемства бібліятэкар расказала дзецям аб маштабах катастрофы, аб рабоце па ліквідацыі радыяцыйных заражэнняў на месцы аварыі, аб подзвігу людзей-ліквідатараў. Таксама нагадала, што першай радыяцыйнай катастрофай на зямлі сталі выбухі ядзерных бомбаў над японскімі гарадамі Хірасімай і Нагасакі 6 і 9 жніўня 1945 года, якія забралі сотні тысяч чалавечых жыццяў. Кожны з нас павінен памятаць пра Чарнобыльскую трагедыю, каб не дапусціць паўтарэння падобных катастроф у будучыні!
