Штогод 26 красавіка адзначаецца Дзень памяці загінулых у радыяцыйных аварыях і катастрофах. 39 гадоў таму адбылася падзея, якая пакінула адбітак у жыцці некалькіх пакаленняў людзей – аварыя на Чарнобыльскай АЭС. У памяць аб гэтай трагічнай даце ў Каралінскай інтэграванай бібліятэцы прайшоў экалагічны рэпартаж “Вечнае рэха Чарнобыля”, у рамках якога была прадстаўлена інфармацыя аб тым, які далікатны навакольны свет, аб радыеактыўнай катастрофе. Падчас мерапрыемства рабяты паглядзелі відэафільм “Чарнобыль – небяспечная зона”. Бібліятэкар расказала пра гісторыю стварэння АЭС, прычыны ўзнікнення аварыі, маштабы трагедыі, розныя захворванні, пра подзвіг ліквідатараў аварыі. У выніку дыялогу дзеці прыйшлі да высновы, што нельга дапусціць, каб гэтая трагедыя паўтарылася зноў.
