Чацвёртага мая ў Крывіцкай сельскай бібліятэцы-клубе прайшло мерапрыемства – хроніка ваенных гадоў “Ведаць і памятаць: партызанская брыгада “Перамога” – гераізм і мужнасць”, прысвечанае 80-годдзю з Дня Перамогі ў Вялікай Айчыннай вайне. Бібліятэкар расказала пра тое, як з самага пачатку вайны пачаў зараджацца партызанскі рух на Беларусі, пра тое, як на тэрыторыі Зэльвенскага, Слонімскага, Мастоўскага і Дзятлаўскага раёнаў пачаў дзейнічаць партызанскі атрад “Перамога”, які перарос у брыгаду “Перамога”, пра яго камандзіра Паўла Іванавіча Булака. Брыгада дзейнічала на працягу ўсяго часу акупацыі. Складалася яна з 4 атрадаў, агульнай колькасцю 901 партызан. Злучылася брыгада “Перамога” з часцямі Чырвонай Арміі 13 ліпеня 1944 г. Удзельнікі партызанскага руху зрабілі многае для набліжэння нашай Перамогі. Іх гераізм і мужнасць назаўжды застануцца ў памяці ўдзячных нашчадкаў. Удзельнікі мерапрыемства таксама змаглі азнаёміцца з падборкай кніг па тэме, з папкамі матэрыялаў аб Вялікай Айчыннай вайне на Зэльвеншчыне.
