У Елкаўскай сельскай бібліятэцы ў рамках раённага бібліяпраекта “80 год Вялікай Перамозе” з дзецьмі праведзены франтавы блакнот “У бой хадзіла доблесць і адвага”. У ходзе мерапрыемства ўдзельнікі даведаліся аб хлапчуках і дзяўчынках, якія за подзвігі, здзейсненыя ў гады Вялікай Айчыннай вайны, былі ўдастоены самай высокай узнагароды Радзімы – звання Героя Савецкага Саюза. Дзеці слухалі расказ пра сваіх аднагодкаў, чый подзвіг навекі застанецца ў памяці пакаленняў, пра ветэранаў землякоў, пра цяжкую долю і нялёгкую працу людзей, якія працавалі у тылу, набліжаючы Перамогу. Хочацца верыць, што ў памяці рабят назаўжды застануцца імёны юных салдат, пра якіх яны даведаліся на мерапрыемстве. Дзеці пазнаёміліся з серыяй кніг аб піянерах-героях, аб падзеях і эпізодах Вялікай Айчыннай вайны і іншымі матэрыяламі.
