У Зэльвенскай раённай бібліятэцы для юных чытачоў праведзена інфармацыйнае дасье “Дзяржаўныя сімвалы Беларусі”, прысвечанае Дню Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. Бібліятэкары расказалі дзецям пра тое, што такое дзяржаўныя сімвалы і чаму яны важныя для кожнай дзяржавы, а таксама, пазнаёмілі дзяцей з гісторыяй герба і сцяга нашай Радзімы. Дзеці даведаліся, што кожная дэталь на гербе і сцягу мае важнае значэнне і дае наглядныя звесткі аб нашай краіне і нашым народзе, а таксама аб тым, што ад кожнага з нас залежыць будучыня нашай краіны. Далей дзеці з задавальненнем адказвалі на пытанні віктарыны “Колеры маёй Беларусі”, а таксама з дапамогай пазлаў склалі сцяг Беларусі, паспрабавалі адгадаць гербы раённых цэнтраў Гродзенскай вобласці і ўсе разам праспявалі гімн Рэспублікі Беларусь.
