Сям’я — гэта родныя людзі. Сям’я гэта — дом, дзе пануюць любоў, адданасць, сяброўства. Сям’я — гэта самае дарагое, што ёсць у кожнага чалавека. Менавіта такімі словамі пачалася літаратурна-музычная кампазіцыя «Пад сямейным парасонам», якая была арганізавана ў Зэльвенскай раённай бібліятэцы. Юныя чытачы разам з бібліятэкарамі паразважалі пра тое, што такое сям’я, хто з’яўляецца галоўным у сям’і, якія пачуцці з’яўляюцца асновай моцнай і надзейнай сям’і. Далей рабяты паглядзелі відэаролік «Што дзеці кажуць пра сям’ю?», разгадалі крыжаванку, успомнілі прыказкі пра сям’ю, удзельнічалі ў конкурсах і гульнях. Захапленне ў дзяцей выклікаў «сямейны парасон», з дапамогай якога кожны з удзельнікаў прамаўляў добрыя словы ў адрас сваіх родных і блізкіх. У бібліятэцы да мерапрыемства была аформлена выстава «Мая сям’я – маё багацце».
